[A:52b] brda yig bzhi yis spras/ /de ltar shes pas lung rgyun nges par 'gyur/ /de dag rang rang skal ba ji bzhin bshad/ /'on kyang mtshams dang 'gros kyi spros pa ni/ /'dod na rdo rje gdan pa las gzhan pa'i/ /tshad ldan med phyir de yi lugs bzhin ston/ /phyi nang gsang ba'i man ngag snyan brgyud kun/ /lag tu blangs nas nges par bsgrub 'dod na/ /bdag chen rdo rje 'chang dbang las brgyud pa/ /'di las gzhan na med pas snying la chongs/ /zhes rang nyid kyis nag po chen po'i chos skor rnams bla ma rnams las gsan tshul dang / kha skong glegs bam de nyid kyi yig sna so so brgyud pa gang las brgyud shes pa'i phyir/ e yig dang / rdo rje dang / mchod rten dang / mu yig dang / mchan bu btab pa sogs kyi rtags kyi nges pa rnams so sor shes par byas nas rang gzhan gyi don sgrub tshul gyi zhal gdams dang bcas gsungs shing / yang dam pa de nyid kyis