[A:59a] gleng ba mang na yang / /'di bzhin tshang ba nyin skar tsam/ /brgya la yi ge tshang na yang / /man ngag shes pa'i brgyud pa las/ /'ongs pa'i zhal shes lag len can/ /sngags 'chang u dum wa rar mtshungs/ /de yi rgyu mtshan 'di ltar yin/ /dam pa'i mgon dang mjal ba dka'/ /mjal yang lus dang longs spyod kun/ /phul nas chig bsgril bsten pa dkon/ /de phyir rdo ba'i ngos la ni/ /'bru yi sa bon btab pa'am/ /ko Ta pa las sa lu bzhin/ /rgyu 'bras bslu med gnad kyis so/ /des na 'khon ston rdo rje 'chang / /gang de'i thugs sras kun spangs rje/ /kho bos gtsug gi rgyan du bsten/ /ci gsung bka' rnams 'bad pas bsgrubs/ /skyabs gzhan spangs nas gcig tu bsgril/ /de yi mthu las thugs rje'i rgyun/ /bka' drin bdud rtsis snying myos pa'i/ /tshul 'di shes pa kho bor gda'/ /zhes kyang gsungs