[A:55a] gzhan yang chos skyong gi rnam 'phrul 'jigs su rung ba mang po byung gsungs/ de nas sa skyar phebs gdong du gros ngan shom pa'i gtso bo de'i bu shin tu gces pa zhig shi gzhan rnams la'ang mi 'dod pa'i ltas du ma byung bas/ thams cad 'jigs shing skrag nas zhal ta gang gnang lhur len pa byung / seng ge rtse ba'i bdag mo chen mos/ nged la gzhan gyi byad ka'i rnam pas mi sdug pa'i ltas ngan du ma 'byung ba zhig 'dug pa/ mgon po'i sgo nas bzlog pa zhig cis kyang mdzad dgos zhes nan gyis gsungs pa la brten/ mgon po'i mdos gtor sbrags pa gcig zhag 'ga' bsgrubs nas mthar 'phen pa la phyogs pa na/ phyogs de'i chos sde'i grwa ba sogs 'gas ji ltar byed dam zer co 'dri ba'i rnam pas ltad mo la byung ba'i tshe/ mdos la rje nyid kyi phyag reg pa tsam gyis de'i khrod nas me phru ba 'bring tsam zhig nar