[A:51b] cung zad brjod na/ de yang rje 'di nyid sku na phra mo'i dus dpal mgon gyi sngags ring thugs la bzung nas de 'phral nya ra'i phyogs su byon nas lam du snod stong dang zhwa longs sogs mi sdug pa'i mtshan ma dgu bstud nas byung / mthar thugs dran pas mi zin pa tsam byung pa na/ chibs gzhol te gur mgon gyi srung 'khor bsgoms pas ci bder song nas ngo mtshar ba'i mtshan ma byung gsungs/ 'di lta bu'ang 'phral rtse reg gi rnam par snang yang nges par phugs rjes su 'dzin pa'i ltas su 'dug de bzhin du rten skya bo'i dus nas dpal mgon gyi gtor ma bsngo ba'i skabs 'gar gtor ma'i zhal yud kyis bsgyur yong ba dang / glo bur du phebs bzhud dgos pa'i skabs 'ga' zhig tu dur khrod bdag po'i rgyun gtor khru re tsam dang mtho re tsam ci rigs par 'phar ba kun gyis mthun grub tu mthong ba dang / chu mig bla brang du bzhugs pa'i nub cig nam phyed tsam na thug com 'ur sgra shin tu che ba zhig