[A:51a] gnas de nyid du brtan par bzhugs so/ /de nas tha mal gyi gsung bcad de thugs dam la rtse gcig tu bzhugs te/ spyan gnyis nam mkhar lta stangs kyi ngang nas bla ma yi dam sangs rgyas byang sems dpa' bo mkha' 'gro mngon sum du bzhugs pa la gzigs bzhin pa dang bcas nyer bzhi'i thun tha ma la phyogs pa tsam na dgongs pa chos dbyings su thim pa'i tshul bstan cing / de dag gi skabs rnams su nam mkha' la me tog gi char dang / 'ja' 'od kyi gur/ sgra rol mo sogs kun gyis mthong zhing thos pas/ thams cad dad pa'i spu long rab tu g.yos par gyur to/ /yang sa skya pa'i chos skyong skor gyi bstan pa la mchog tu bka' drin che ba'i bdag chen rdo rje 'chang blo gros rgyal mtshan gyi snyan brgyud gdams pa'i bka' bab rje rdo ring pa chen po kun spang chos kyi nyi ma nyid la dam can rgya mtsho'i tshogs kyis zhal bstan cing 'phrin las sgrub pa sogs ngo mtshar ba'i rnam thar