[A:29a] rje dpon slob rnams kyis chos skyong gi gtor ma dang / dbyu gu drug cu rtsa bzhi'i gtor bzlog la sogs pa mdzad kyin 'dug pa'i phyag phyi zhag 'ga' mdzad na'ang khyad tsam ma byung bas/ nyid kyi thugs la 'di lta bu'i gang zag la 'di 'dra byed pa de la phar rtags thon na nga kun ji ltar gyur na'ang gyur snyam du dgongs nas/ chos rje'i drung du 'di skad zhus so/ /da drung pa'i blud du bdag 'gro bar 'os pas/ drung pa dpon slob rnams kyang sku rim la 'bungs mdzod/ bdag gis lung pa'i mdo'i gad pa gru gsum ma gir phyin la dpal ldan zhal bzhi pa'i bsnyen sgrub las sbyor zhig byed lags kyi zhus nas/ der sbra nag gcig phub nas zhag bdun bsgrubs/ chos skyong gis las mdzad pa'i rtags su zhag gnyis gsum song na mar thun gtor 'phangs pa rnams kyang me ru dmar na ra ra song zhing / gzim khang du kho'i cho 'phrul rnams kyang rgyun chad nas/ zhag bdun pa la mthu byed mkhan bdun yod pa 'dug pa'i bdun ga'i thog brdibs skad do/ /de'i