[A:28a] bdag mdzad pa'i dbus gtsang gi dgon pa phal cher gyi 'dzin skyong yang mdzad cing / lhag par dpal sa skyar bdag gi bla ma 'jam pa'i dbyangs dbang po'i mtshan can sku mched la gsung ngag rin po che cha lag dang bcas pa stsal nas/ sgo rum ye shes mgon po mjal ba la phebs pa na/ bse mgon chen po'i spyan dbus ma de shin tu gsal bar gzigs byung pas/ de gong rje nyid kyi spyan gnyis ka grib kyi rnam pas dngos po phra rags gang yang gsal po mi gzigs shing / ljags lung mdzad dus kyang 'phar lung kho na gnang dgos pa la/ de phyin chad spyan gnyis ka rang bye la song ste/ ljags lung sogs la thogs med gnang chog pa byung pas/ de'i tshul sngags 'chang chen po la zhu bar mdzad pa na/ sngags 'chang nyid kyi gsung las/ spyan dbus ma de ltar gzigs pa de/ ye shes kyi spyan gzigs par gdon mi za ba 'dug ces bsngags brjod ci yang zhig