[A:26b] bskang ba bstod pa rgya chen po mdzad pas/ de'i dus su kyai rdor dang rdo rje nag po chen po gur gyi mgon po lcam dral/ khyad par pu tra chen po lus kyi stod nyeng byas pa gcig mngon sum du gzigs shing / gzhan yang chos skyong mnyes pa'i rtags bud med rgyan bzang pos brgyan pa dang / 'dzu ge mang po dgyes pa'i rnam 'gyur ci yang byed pa gzigs te/ de nas chos skyong 'khor bcas la bstod pa dgra bgegs srog gcod kyi 'khor lo zhes bya ba dang / dpal lha mo'i bskang gso dngos grub rol mtsho gnyis brtsams par mdzad pa yin la/ yang lho bdag pos spyan drangs nas la stod shel dkar du bzhugs dus/ der snga dro thugs dam grol mtshams shig rje'i gsung gis/ da rang tho rangs bram ze'i gzugs ral pa'i khrod na seng ldeng gi rdo rje rtse lnga pa yod pa zhig byung ste/ khyod rang gi mi 'phrod yod do zer nas bande phyar zhags gyon pa gnyis gtad pa'i snang ba byung / phyi na mar ltos shig dang gsungs/ sde pas sgo phye 'phral