[A:22b] 'dug gsungs pa yang / sa skya'i chos skyong rnams kyis rje sems dpa' chen po'i bka' las cung zad kyang mi 'da' ba'i shin tu rmad du byung ba'i rnam thar du snang / rgyal tshab dam pa kun dga' dbang phyug la yang bstan srung 'di rnams mchog tu 'go bas/ zhal bzhugs dus e wa~M chos ldan gyi lugs gnyis dar rgyas kyang shin tu che bas 'phrin las mtha' dag chos skyong gis bsgrubs par grags shing / mya ngan las 'das pa'i tshe yang sku gdung bzhugs pa'i mchod khang la pu tra sogs dkon gnyer gyi tshul du 'bral med du gnas pa glo bo mkhan chen gyi gzigs snang la shar ba sogs mtha' yas shing / sa skya pa'i bstan pa'i gsal byed dam pa kun mkhyen chos kyi rgyal po bsod nams seng ge la bka' srung rnams kyis 'phrin las bsgrubs pa'i tshul ni/ rje kun mkhyen nyid rta nag gser gling du bzhugs pa'i nub gcig chos khrims pas zhal ta zhig zhu ru phyin pas/ khyod yong pa sngas