[A:21b] gsung du snang bas shin tu ngo mtshar ba'i gnas so/ /yang ngor chen rdo rje 'chang gi thugs sras rgyal tshab dam pa mus chen sems dpa' chen po dkon mchog rgyal mtshan gyis sa skya pa'i nges don gyi bstan pa dar ba'i gnas gling dga' bde ba can gyi dgon gnas chen po ma bu rnams btab cing bshad sgrub spel mar mdzad pas/ chos skyong rnams kyis zhal bstan cing 'phrin las bsgrubs pa'i tshul ni/ rje nyid kyi thugs dam rgyun pa'i rten mgon po'i bris thang zhig yod pa la phyag mdzub gtad nas/ nga'i dgon pa bde ba can gyi chos skyong 'di la gnas pa yin no zhes gsungs 'dug pa ni/ gur mgon 'khor bcas kyis zhal dngos su bstan nas bris sku de la thim pa'i gzigs snang shar ba'i gsung du snang ba dang / las thams cad chos skyong gis mdzad pas sa skya pa'i bstan 'dzin gyi 'phrin las kyi rgyun zhig la mus chen sems dpa' chen po'i 'phrin las kyi rgyun las bzang ba med de sa skya pa'i srol 'dzin