[A:13b] sa skya'i bstan srung dbang po rnams kyi cho 'phrul sprin nag po 'jigs su rung ba dpag tu med pa glo bur du nam mkha' la 'dus/ skyid 'phan gnyis char du tshor ba'i 'brug gi sgra shin tu drag pa/ glog gi 'od drag po 'khyug pa dang bcas pa'i dus/ rbod gtong byed pa'i byad ma de'i mgo la gnam lcags kyi thog chen po mi zad pa phab ste/ las ngan gyi sbyor ba byed pa'i lus dang phral nas sems nyid dag pa'i zhing du skad cig nyid la spor bar mdzad do/ /de nas de'i 'khor du gtogs pa'i mi dang mi ma yin thams cad ni bsam pa ma grub pa'i mya ngan gyis non zhing 'gyod pa dang bcas pa'i ngud mo'i sgra chen pos phyogs de thams cad khyab par byas so/ /yang mus chen sems dpa' chen po'i lung bstan bzhin rje 'di'i khams phyogs la phebs pa'i tshe/ sngon gcen rin po che bdag chen rgya gar bas btab pa'i dgon pa don grub gling zhes bya bar spyan drangs te phebs pa na/ dus phyis sa phyogs der sa skya /