[A:6b]par snang bas/ shin tu ngo mtshar ba'i rnam thar du 'dug go /yang skabs shig gi tshe bzhi thog gi bla brang dmar mo'i bla ma mkhas btsun chen po'i thugs dam 'cham sku'i drung du mgon po lha brgyad kyi rtag gtor la brten pa'i bsnyen pa mdzad pa'i tshe/ mgon po mngon sum du zhal gzigs pa'i phyag dpung g.yon gyi steng du me 'bar ba dang / g.yas pa'i gri gug gi phyogs bzhi'i rwa med par dbus ma la me 'bar ma gcig gzigs snang la byung bas/ rin chen sgang pa la brten pa'i gdung brgyud nged rang sku mched gnyis ka yin pa 'dra gsungs pa'ang bu slob grwa pa kun la gsung rgyun thor bur byon/ de phyin chad dus dang rnam pa thams cad du 'bral med du zhal gzigs par 'dug de dus kyi mgon po che ba'i zhal gzigs ngo bo bkod pa'i sku dngos dang khyad par med pa'i bris sku khyad par can de/ ding sang rgyal mkhar rtse na bzhugs par snang / de bzhin du dpal ldan lha mo 'dod khams kyi dbang phyug ma