[A:5a]bu des kyang kun gyis tshor ba'i skad bton pas/ thams cad kyang rtog bcas su gyur cing / sgar nad mi zad pas btab ste dmag 'phral du zhig par gyur nas/ de dus lha mo'i sku de'i zhal 'gram la rngul gron mo shar gyis byung bas da lta yang sku de la lha mo rngul ris mar grags shing dge sding mgon khang na bzhugs so/ /bdag chen rdo rje 'chang blo gros rgyal mtshan ni/ sa skya pa'i gdung brgyud gzhan rnams las kyang / chos skyong gi skor rnams la mkhas shing grub pa'i phul du phyin par yongs su grags shing don la gnas pa bzhin/ de'i tshul cung zad ni gong du brjod zin la/ 'dir yang cha shas tsam spel na rje sa chen gyi rnam sprul yin pa'i gtan tshigs ni/ sngon mus chen sems dpa' chen po dang mjal nas 'dod chos kyi gsol ba btab pa'i tshe/ bla chen sa skya pa'i rnam thar gyi dpe zhig phyag tu gnang nas