[A:20b]yid du 'ong ba zhig byung / de la lha rnams kyis u ma de wa zhes bya bar mtshan gsol/ don la srung ma spyi'i yum du gyur pa sngags srung drag mo e ka dza Ti nyid yin no/ /de nyid lha kun gyis chung mar 'dod pa las/ phyag na rdo rje'i sprul pas nam mkha' las tshig bcad 'di skad grag go /lha yi rgyal srid mtho zhing brtan pa dang / /rigs drug sems can bde la 'god pa dang / /lha min bdud kyi g.yul chen bzlog pa'i phyir/ /dbang phyug lha la u ma chung mar byin/ /zhes grag go /dus de tsa na ri rab kyi zom/ dzambu gling gi nub byang mtshams yakSha ka ma la 'bar ba'i dur khrod na/ lha mahA de wa dge slong gi cha lugs su 'gog pa'i brtul zhugs drag po la bzhugs pa'i dus su u ma de wa khrid nas btsun mor phul bas/ zhag bdun phrag bdun gyi bar du lus kyi drod la bcar zhing 'khrig pa spyad pa'i sbyor