[A:194a]bab bo zhes kyang grags shing / la la ni da lta yang rgya nag ri bo rtse lnga na bzhugs pas skal ldan dag dang mjal du yod zer ro/ /bdag chen blo gros rgyal mtshan gyi dngos slob yang dgon pa dpal ldan bkra shis kyi zin bris las/ 'phags pa la mgon po'i bka' bab kyi slob ma gsum byung ba ni/ a gnyan dam pa/ dam pa kun grags/ bu lung kun rdor zhes bshad pa ni/ cung zad gsung bgros ma zin par snang ste/ a gnyan dam pa dang / dam pa kun grags gnyis mtshan gyi 'bod phyogs tsam ma gtogs gcig par snang ba'i phyir ro/ /de lta bu'i dam pa kun dga' grags la sngon bla ma 'phags pas/ chos skyong gi man ngag rnams rdzogs par chig brgyud du gnang dus/ ma 'ongs pa na nged kyi tsha bo rnams la cis kyang 'phrod pa gyis shig ces gsungs pa'i bla ma'i bka' bzhin bdag nyid chen po bzang po dpal la bstan srung rnams kyi chos skor mtha'