[A:187a]mi chad du yod pa yin gsungs/ rgya gar gyi paNDi ta go tam shrI bha tra la mtshan mo rmi lam ji ltar byung ba thams cad/ bdag nyid chen po 'dis mngon par shes pas mkhyen nas/ nangs par paNDi ta la gsung byon pa'i tshe/ mahA gu ru la mngon par shes pa a tse zer zhing dad par gyur to/ /bla ma 'di gong nas phebs/ 'u yug na bzhugs dus phyogs su khral bsdud byung pa la/ shangs lha phu ba'i jo gdan gcig gis zhu ba la phyin dus/ sgar gyi mthar sems can la 'tshe ba byed pa/ hor sog mang pos mtha' bskor/ bla ma 'di sa 'ja' li gcig la bzhugs/ g.yas na rtsom pa mdzad pa'i yig mkhan/ g.yon na bka' shog 'bri ba'i yig mkhan/ mdun na rgyun gtor shom pa'i gtor skad bton nas chab gtong ba rnams mthong bas/ jo gdan gyi bsam pa la/ bla ma ci'i bla ma sems can la 'tshe ba/ mtha' hor sog gis bskor ba/ g.yon gyi bka' shog ni