[A:185a]kyang / mdo sngags dbang bshad kyi rgyun zab mo nyams kyis dogs nas/ de dus kyi dge ba'i bshes gnyen mkhas btsun bzang ba dang / lung rgya chen ba chung 'bring mtha' dag bla mar bsten/ rang bzhed pa'i chos de 'dug na mo btsun phal pa gcig la 'dug kyang / nga rgyal dang khengs pa dang / gzhan gyis smod pa sogs gang la yang mi dgongs par gus pas gtsug tu bzhes nas chos zhus te/ de dag gi rnam thar rgyas pa gsan yig sogs na gsal lo/ /chos kyi ched yin kyang 'di lta bu'i che 'gying bcag pa ni gzhan sus kyang sgrub par dka' 'o/ /de nas dgung lo so gsum pa me mo yos la 'gro mgon phyag na sku gshegs pa'i chos 'khor chu mig tu mdzad pa la dge 'dun dgu khri la 'bul 'gyed bgrangs pa las 'das so/ /de rjes de ma thag hor gyi gdan 'dren pa nan ches nas lo gzhug de la 'dam du phebs par byon/ phyis lo sa pho 'brug la dpon chen shAkya bzang pos