[A:177b]yug rigs pa'i seng ge dang / zhang btsun mdo sde dpal dang / shar pa shes 'byung sogs te/ mdor na khang gnyan zhang gsum/ shar nub gung gsum la sogs pa dang / man ngag gi bka' bab pa dmar ston chos kyi rgyal po dang / lho pa kun mkhyen dpal la sogs pa dang / rtogs pa'i bka' bab pa tshogs sgom/ nyan chen/ grub thob yon tan dpal la sogs te/ mdor na mkhas grub kyi bu chen bgrang ba las 'das pa bshad sgrub la bkod do/ /rtsom pa ni/ sgra dang snyan ngag dang ming gi mngon brjod la sogs pa'i bstan bcos du ma dang / rig pa'i phyogs la sde bdun mdo dang bcas pa'i don rdzogs par ston pa rigs gter rtsa 'grel/ lung gi phyogs la mdo sde rgyan gyi don 'grel du byas nas chos mtha' dag 'dus pa thub pa dgongs gsal la sogs te/ mdor na mdo sngags lung rigs thams cad kyi tshig don nyung ngus 'dus pa mkhas pa'i yid 'phrog cing /