[A:17b]dur khrod 'dir lo dgu'i bar du tshul khrims bsrung / dka' thub byas nas sems can gyi don byed par sems bskyed pa la/ khyed rnams kyis bar chad byas te bsad pas/ nga shi ma thag tu gnod sbyin chen po ma rung ba zhig tu gyur nas/ spyir sems can thams cad kyi srog dbugs sdud par gyur cig khyad par du grong khyer gsum brtsegs kyi rgyal po rgyal srid dang bcas pa thams cad kyi gshed mar gyur cig ces smon lam btab bo/ /de nas dge slong de'i bden pa'i mthu dang / sngar dbang phyag chen po la skyabs su song zhing / des dngos grub byin pa'i stobs kyis/ sangs rgyas kyis sngar lung bstan pa bzhin du dge slong de shi ma thag ri rab kyi zom du lha dbang phyug chen po dang / lha mo u ma gnyis kyi bur skyes so/ /de yang ji ltar byung zhe na/ ri rab kyi byang shar mtshams na shing yongs 'du sa brtol zhes kyang bya/ dpag bsam gyi shing zhes kyang bya/ a shwattha zhes kyang bya/ rtsa ba