[A:171a]gsum pa mjug gi bya ba ni/ 'jig rten kun gyi mig gcig bla ma la/ /cung zad bstod 'di dpal ldan sa skya ru/ /dge bsnyen grags pa rgyal mtshan bdag gis bgyis/ /dge bas 'gro kun byang chub myur thob shog /ces pas bstan pa yin la/ de ltar mkha' 'gro chos skyong rnams bran du bkol nas po ta la dang / dpal ri/ u rgyan sogs nyul ba'i grub pa'i sa la bzhugs pa'i slob dpon rin po che de nyid kyi gcung rje btsun rin po che ni/ yab sa skya pa chen po dgung lo nga dgu pa me mo yos kyi lo bltams shing / 'di'i rnam par thar pa cung zad brjod na/ dad pa dang / tshul khrims dang / thos pa dang / gtong ba dang / shes rab phun sum tshogs pa rnams kyis shes par bya ste/ de yang dang por dkar chos mtha' dag gi rtsa ba dad pa phun sum tshogs pa ni/ spyir bla ma dang dkon mchog la shin