[A:166b]te mnyes par byas/ slob dpon cha pa'i slob ma che bar grags pa/ seng chen brgyad/ seng 'dra brgyad/ jo sras bzhi zhes bya ba la sogs pa yod pa la/ jo sras bzhi ni/ 'khon jo sras rtse mo/ khu jo sras ne tso/ rngog jo sras ra mo/ gnyos jo sras 'od ma dang bzhi zhes grags pa'i nang nas mchog tu gyur pa 'khon jo sras rtse mo zhes yongs su grags so/ /de nas dgung lo nyer drug bzhes pa'i tshe/ me mo phag gi lo la na la rtse gnas po che'i gtsug lag khang du chos la 'jug pa'i sgo zhes bya ba'i bstan bcos chen po mdzad de/ de'i nang du bstan pa'i rtsis kyi rnam par gzhag pa skyon thams cad dang bral ba yang mdzad yod do/ /de ltar thos pa mthar phyin pas dgung lo nyi shu rtsa bdun bzhes pa'i tshe/ 'dzam bu'i gling gi bstan pa'i srog shing chen po yin no zhes yongs su grags so/ /gsum pa nyer brgyad yan chad kyi rnam par thar pa la bzhi/ rnam