[A:159b]tan bsam gyis mi khyab ste/ gdung brgyud thams cad kyi nang na 'di nyid mchog tu gyur pas rnam thar rgyas pa gzhan du shes par bya la/ 'dir mdor bsdu na/ rang don dang gzhan don gyi yon tan no/ /dang po la lung dang rtogs pa'o/ /lung la thun mong ba ni/ gzhon nu nyid nas klog dang yig rtsis/ bzo dang gso dpyad/ lugs kyi bstan bcos sogs la shin tu mkhas pas kun gyis ya mtshan du 'dzin no/ /thun mong ma yin pa ni/ ba ri lo tsA ba'i zhal nas/ khyed jo sras kyi bya ba slob gnyer byed dgos/ de la shes rab dgos/ de'i lha 'phags pa 'jam dpal yin pas 'jam dbyangs a ra pa tsa na 'di sgrubs gsungs nas rjes gnang mdzad/ 'jam dbyangs brag phug tu sgrub pa zla drug mdzad pas zhal mngon sum du gzigs nas/ 'jam dbyangs kyi thugs ka nas ral gri bdun brgyud gcig byon thugs kar thim/ de bla ma la zhus pas/ khyed kyi brgyud pa 'di la 'jam dbyangs bdun brgyud