[A:154b]mjal bas bka' bkyon byung / rga lo khros nas dkar yol sa la brdabs pas/ gral gang gi phor pa sa la lhung / de la sogs pa'i rdzu 'phrul du ma bstan nas khams su byon pas longs spyod chen po byung zhing / bstan pa dang sems can gyi don phyogs med du rgyas par grags/ de lta bu'i rga lo nyid kyis nor skyong dur khrod kyi bdag po yab yum gyi rjes gnang / de'i rgyud gsang ba snying gi 'khor lo/ sgrub thabs bai ro tsa nas mdzad pa/ gzhan yang bsnyen sgrub las gsum zhal gdams kyi man ngag thor bu ba du ma dang bcas pa'i chos skor rdzogs par mkhas pa bai ro tsa na las ji ltar gsan pa bzhin dpal brtse ba chen po nyid la phul zhing / de nas da lta'i bar du brgyud pa bar ma chad par dar rgyas su bzhugs pa bzhin/ kho bo cag gis kyang rjes gnang nos nas rgyun ring lon pa'i rjes su don gnyer dang rtsol ba cher byas nas 'di'i rgyud dang / man ngag gi yi ge