[A:150b]mgon po 'di'i man ngag gi bzhugs tshul gyi khog khrigs bla ma gong ma rnams kyi gsung las 'byung ba bzhin cung zad brjod na/ 'di la brgyud pa rnam par dag pa gsum las 'ongs pa'i gdams ngag gi srol gsum yod de/ paNDi ta 'bum phrag gsum pa nas brgyud pa dang / shrI paNDi ta ta thA ga ta rakShi ta las brgyud pa dang / kharsa pA Ni'i ri sul gyi rnal 'byor ma ku sA li chen mo nas brgyud pa dang gsum gyi dang po ni/ mgon po gdong gnyan can nam las sbyor gyi mgon por grags pa de nyid de/ 'di'i man ngag gi skor rnams yin la/ gnyis pa paNDi ta 'bum phrag gsum pa nas brgyud pa ni/ bdag mdun mgon po zhal khra can nam sgrub dus kyi mgon por grags pa la byed cing / las bzhi bye brag sgrub tshul shin tu zab pa zhig snang bas/ 'di'i skor gyi yi ge rnams yin zhing / gsum pa ri sul gyi rnal 'byor ma las brgyud pa la/ zab cing rgya che ba phyi'i sgrub skor/ rdo