[A:146b]du 'khol bar grags so/ /gzhan yang lam bar la lo tsA ba dpon g.yog la gnod pa che ba byung ba rnams su bla mas chos skyong la gnas der bar zhag gcig mdzod cig gsungs pa rnams su rims nad thu ba re byung / gnod pa chung sa rnams su lo tsA bas chos skyong la gnas der nya mgo zhig non zhig gsungs pas/ der rims nad chung ba re byung nas lo tsA ba dpon g.yog la gnod pa byed mi byung tshad shi skad/ de nas rim gyis phebs te lo tsA ba'i gnas gzhi dar lung dang snar thang byang chen dang / dpon gsum 'ong kha/ dpal ldan sa skya'i phu gnam kha'ub skyed lhas rnams su bzhugs nas/ gnas de dag tu mgon khang gtsug lag khang bzhengs nas phyag nas mdzad/ chos skyong 'di la bka' gtad mdzad dus gtsug lag khang la me 'bar te me 'bar gyi gtsug lag khang zhes grags/ de bzhi la bod kyi me 'bar gyi gnas bzhi dang / te si/ bsil