[A:142b]chung dar ma grags de nyid kyis rgya gar du byon nas sgra tshad bslabs pas mkhas par mkhyen/ de nas bla ma pandre pa chen po ratna kirti dang / rdo rje gdan pa sogs la chos mang du gsan/ rig pa'i gnas lnga la thogs pa med pa'i blo gros rgyas/ bod la log 'byon khar bla ma pandre pa la gsang ba 'dus pa ye shes zhabs lugs kyi dbang zhus pas/ ngas mi yong / kharsa pa Ni'i lho phyogs kyi ri sul gyi nags gseb cig na/ nga'i mched mo rnal 'byor ma rje btsun ku sa li bya ba gcig gsang ba 'dus pa'i sgrub pa mdzad kyin yod pas der song la zhus shig khyod dang las kyi 'brel pa yod pas dbang dang gdams ngag gnang ba 'dug gi gsungs/ de nas bla ma pandre pa'i bka' bzhin mdzad nas gnyan los byon pas/ ji ltar gsungs pa bzhin ri sul gyi nags gseb na shing sdong po chen po zhig gi khog pa na rnal 'byor ma dpon g.yog bzhi gda' skad/ de'i nang nas