[A:141b]dang bcas gnang nas kyang / /sa bdag klu dbang sa skya gnas pa 'dir/ /shAkya'i bstan pa bsrung phyir spyan drangs te/ /ri rab lhun po ji srid gnas kyi bar/ /zhing 'dir brtan par bzhugs 'di e ma mtshar/ /bstan srung dbang po'i sku brnyan rnam bzhi dang / /zab rgyas chos kyi bka' bab rnam pa bzhi/ /yongs su rdzogs pa deng dus dpal sa skyar/ /sngags 'chang kho bo'i lag tu legs par bab/ /'di 'dra skal bzang nang nas skal bzang ste/ /ngo mtshar che ba las kyang che ba ru/ /shes pa'i shes ldan gzur gnas 'ga' yod na/ /kho bo'i snyan grags snyan par cis mi sgrog /bstan pa'i bdag po dpal ldan sa skya pa/ /yin phyir dam pa'i chos kyi bsrung ba yang / /mthu rtsal che bar grags pa'i tshogs kun kyang / /mchis shing 'phrin las sgrub pa dngos po'i gshis/ /dpal sa skya'i bka' srung zhing skyong stobs 'phrog dbang po zhal bzhi pa