[A:118a]rdul tshon dang / sindhu ra'i dkyil 'khor la brten nas dbang bzhi yongs su rdzogs pa zhal nas snyan du brgyud pa ches zab par grags pa zhig byung / 'di rnams bla chen 'brog mis bla ma se ston kun rig la gnang / des zhang ston chos 'bar la gnang ngo / /de'i drung du rje btsun sa skya pa chen po kun dga' snying pos yongs su rdzogs par gsan pa yin no/ /sa skya pa'i shing mgon yid bzhin nor bur grags pa bram ze mchog sred kyi spur sol las rang byon du 'khrungs pa'i mngon spyod kyi las la mthu rtsal shin tu myur bar grags pa 'di ni pu hrangs lo tsA ba grags 'byor shes rab nas brgyud de/ bla chen sa skya pa'i phyag tu bab pa yin la/ bla ma 'ga' zhig shing mgon 'di bram ze chen po'i thugs dam mar bzhed pa yang snang ngo / /bka' bab gsum pa ni/ bla ma lo tsA ba chen po blo gros grags la