[A:116a]can gyi don kho na ma yin pa/ rang don gyi 'khri ba spangs nas ci byas chos su 'gro ba kho na mdzod/ ces pa la sogs pa'i zhal bkod mang po gsungs nas lus gnad kyi ngang nas bde bar gshegs/ de'i rjes su gsol 'debs/ sku'i dod phyi rten nang rten bzhengs pa/ dus kyi mchod pa la sogs pa bla ma sa skya pa chen po nyid kyis rgyas par bsgrus so/ /rje btsun sa skya pa chen po nyid kyis/ ba ri lo tsA ba chen po 'di'i drung du spyir mdo dang / rgyud dang / man ngag mang po dang / sgrub thabs brgya rtsa la sogs pa'i chos thams cad rdzogs par zhus/ khyad par 'jam dpal dang / mi g.yo ba dang / sgrol ma dkar mo dang / dbang sdud 'dod pa'i rgyal po'i chos skor la sogs pa mang du zhus shing / dgung lo bcu gnyis pa'i dus sa skya'i 'jam dpal brag khung du 'jam dpal a ra pa tsa na bsgrubs pas/ res 'ga' dung gi