[A:115a]tsha/ rgya bod kyi rten byin rlabs can du ma nang du bcug gzhan yang bkra shis pa'i rten 'brel du ma mdzad cing / rab gnas kyi don du yang rnam rgyal cho ga stong phrag gnyis mdzad nas/ tshes brgyad kyi nyin mo me tog 'thor bar mdzad pa na/ mchod rten gyi bum pa las 'phros pa'i 'od ser po gser btso ma'i mdog lta bus mig gis mthong tshad kyi sa dang nam mkha' khengs shing / dril bu'i sgra lta bu 'khrol ba dang / legs so zhes pa'i sgra mi che ba lan bzhir kun gyis thos pas thams cad ya mtshan du gyur/ de nas bzung ste phyogs dus kun tu bkra shis pa'i ltas bsam gyis mi khyab pa byung ba ni skye bo kun gyis mthun snang du grub bo/ /dmyal ba'i zangs khar gnas pa'i sems can rnams 'don pa'i slad du g.yu mkhar mo'i gtsug lag khang bzhengs pa dang / gzhan yang mchod rten mang po bzhengs pa/ zam pa mang po 'dzugs pa/ mgron