[A:112b]chen po mdzad/ lha sa'i jo bo la skor ba 'bum gter btang bas mnal lam du jo bo'i sku'i g.yas na spyan ras gzigs bcu gcig zhal mi che ba tsam zhig bzhugs 'dug pa'i zhal nas/ khyod yo byad mang po khyer la rgya gar la song / don khyad par can mang po 'grub cing sems can la phan par 'gyur ro/ /zhes lung bstan pa la bsten nas rgya gar la 'byon par chas te/ skyid rong nas bal yul brgyud de byon/ bal po'i paNDi ta ye rangs pa chen po la bde mchog rnal 'byor ma rdo rje gdan bzhi rnams kyi dbang sgrub thabs/ rgyud rdzogs rim la sogs pa man ngag mang du zhus/ sgra bslabs pas mkhas par mkhyen/ de nas rgya gar du byon/ dang por bla ma mahA yo gi dang mjal/ rdo rje phag mo'i byin rlabs dang gdam ngag rnams zhus shing / nub cig tshogs kyi 'khor lo'i dus su bla ma'i gsung gi nam mkha' na bcom ldan 'das