[A:111b] rlom rnams mtshar/ /'on kyang bslu med bla mar blo gtad nas/ /ci byas bstan 'gro'i don du gyur cig snyam/ /lhag bsam 'di la dam can rgya mtsho'i tshogs/ /rtag tu dgyes pa'i 'dzum zhal cis mi ston/ /de phyir mkhyen brtse nus ldan gzhan stobs kyis/ /rang dang rang la yid gtad gdul bya yi/ /'di phyi'i don gnyis 'bad med lhun grub tu/ /'byung ba som nyi med 'di ngo mtshar gnas/ /lnga pa/ khyad par rje btsun sa skya pa yab sras la bka' bab tshul ni/ gangs can bstan pa'i mnga' bdag rje btsun sa skya pa yab sras la nag po 'di'i chos skor gyi bka' bab chen po bzhi mnga' ste/ de yang bla ma ba ri lo tsA ba nas brgyud pa dang / bla ma zhang dgon pa nas brgyud pa dang / bla ma mal lo tsA ba nas brgyud pa dang / kha che'i paNDi ta chen po shAkya shrI nas brgyud pa'o/ /dang po ni/ ba ri lo tsA ba chen po rin chen grags pa