[A:108b]tshe'i smad la na bza' dkar mo bzhes pa'i sngags pa'i cha byad mtshan yon tan tshul khrims su grags pa zhig yin par sems so zhes gsungs pas/ gu rub rin chen bsod nams dang / brag steng pa gnyis gcig pa nyid don la 'thad pa yin no/ /bla ma chen po mal lo tsA ba 'di nyid spyir rdo rje theg pa mtha' dag la mkhas/ khyad par bal po pham mthing pa sku mched dang / klog kya shes rab brtsegs la 'khor lo bde mchog gi chos skor yongs su rdzogs pa gsan/ bde mchog rtsa ba'i rgyud bdun cu rtsa gsum gsan te thams cad la le'u re la tshogs 'khor re mdzad de zhus/ yi ge bdun pa'i las tshogs rnams thogs pa med par grub/ sgrub pa la brtson pas grongs ga'i bar thun bzhi'i rnal 'byor ma chag par mdzad/ gshegs pa'i tshe sku lus la rgyan drug gsol te/ nam mkha' la gar mdzad cing sgra 'od dang bcas gshegs/ bla ma 'dis brag steng pa la chos