[A:104a]dgos pa ni nam yang ma yin pas dpyod ldan gzur gnas rnams kyis de bzhin du dgongs par mdzod cig 'cham mgon 'di nyid kyi zhal 'bag gi sku rgyu ni bse dngos nyid yin pa don la gnas te/ dus phyis sngags 'chang chos kyi rgyal po ngag dbang kun dga' rin chen gyi sku ring la/ stod hor gyi dmag gis 'gro ba rnams nyen pa'i tshe/ sgo rum ye shes mgon po 'di'i drung du hor bzlog la dmigs pa'i las sbyor cher gtad mdzad dus nyid kyi rgyun bzhes kyi dbu zhwas bse mgon gyi zhal rdul phyi bar mdzad pa na/ zhal 'gram nas rtsi tshon gog pa lta bu'i dum bu cung zad gcig byon byung pa/ dri bzang gi chu la sbyangs te gzigs pas/ mi'i pags mo las byas pa'i bse srab brtsegs kyi dum bu zhig yin 'dug pas/ slar zhal 'bag nyid la sbyor bar mdzad ces sngags 'chang nyid kyi gsung rgyun las 'byung ba bzhin/ bdag