[A:96b]khang du log nas stag ro za ba'i ngar skad la dpe byas te/ srin gzugs ma la stag mo'i ngur dbyangs mdzad nas bstod pas zhag gsum gyi srod la 'jig rten gyi khams gang ba'i nag po chen po'i sku mi'u thung gel pa'i 'dug stangs can gri thod thugs kar steng 'og tu 'dzin pa/ gaNDe phyag gi dbus na bsnams pa zhig zhal gzigs pas/ re zhig thugs dran med du brgyal/ brgyal ba de sangs pa dang gzigs tsa na/ de'i sku las kyai rdo rje dang 'khor lo bde mchog la sogs pa'i yi dam bsam gyis mi khyab pa 'phros/ bdag gi lus la thim snyam byed pa na/ dga' bde'i ting nge 'dzin gyi sgo du ma thugs rgyud la 'khrungs te zhag gsum gyi nyi ma snga dro tshun ting nge 'dzin gcig gi ngang la gnas par gyur/ de las sad pa na'ang mahA kA la nyid de kar snang ste/ nag po chen po'i zhal nas gdam ngag rjes su nod cig bod du bstan pa bsrung ba la bdag