[A:94a]mdzad pas dam bca' rnams mthar phyin te/ chos sku spros bral rdo rje lta bu'i ting nge 'dzin brnyes so/ /gzhan yang gnas khyad can rnams su bsgrub pa yang dag mdzad do/ /de nas lo chung rnam pa gsum gyis mang 'or lo tsA ba byang chub shes rab la ti yag stsal to/ /'jang lo tsA ba rin chen gzhon nu la tshang med stsal/ rma lo tsA ba dge ba'i blo gros la ri hi stsal to/ /'di lta bu'i lo tsA ba chen po sku bltams pa'i dus su/ yum gyi dpung pa g.yas par rma bya babs pa ni kun tshang la mdzes pa'i don yin/ g.yon pa la khu byug babs pa ni dam chos kyi gsung snyan sgrogs pa'i don yin/ spyi gtsug tu ne tso babs pa ni rgya bod kyi lo tsA mdzad pa'i don yin/ lo tsA ba chen po 'di nyid gnas gang nas mkha' spyod du gshegs snyam na/ kha cig lding pha'i chu lha rdzing nas sgrub pa mdzad de rdo rje'i kha nas phung po lhag