[A:93b]kyi sel du 'gro gsungs nas ma bzhed/ jo bo'i zhal nas kho bo la snying yod kyang lce med gsungs nas thugs mug pa ltar mdzad do/ /de nas nags tsho lo tsA ba tshul khrims rgyal bas lo tsA byas so/ /de nas lo chen nyid pu hrangs kyi bzhengs wer du sku mtshams mdzad de/ sgo phyi ma la dung gi yi ge bris nas/ bdag la sang phod da bar du nyon mongs pa skad cig tsam skyes na mkha' 'gro mas chad pa chod cig ces bris/ sgo bar ma la dngul gyi yi ge bris te/ bdag la sang phod da bar du byang chub kyi sems dang skad cig tsam yang bral na mkha' 'gro mas chad pa chod cig ces bris/ lha khang gi nang logs su gser gyi yi ge bris te/ bdag la sang phod da bar du lung ma bstan pa'i sems skad cig kyang skyes na mkha' 'gro mas chad pa chod cig ces bris nas/ de ltar rgya rim pa gsum la dam bcas te thugs dam rtse gcig tu