[A:79b]zhus nas/ sa chen la dbang sogs chos skor rdzogs par gnang ba dang / bla ma klu pa dag kyang lugs 'di'i skor sras brgyud la min pa gzhan la mi gnang ba sogs thugs gtsigs su mdzad cing / phyis dam pa kun grags sogs kyang sa lugs dang / gyi ljang lugs gnyis zung 'brel du nyams su bzhes pas na/ lugs 'di tshad ldan yin pa bsnyon med du grub pa yin la/ sa lugs rang rkang dang mi 'dra ba'i khyad par ni/ btsun mo'i dbang sogs gong du bshad pa rnams so/ /'di la dgongs nas rje tshar chen gyis mgon po'i dri ba lhag bsam rab dkar las/ gyi ljang lugs zhes bya ba'i chos 'di'i skor/ /tshad ldan yin nam min na skyon gang yod/ /srol 'di sa lugs dag dang mi 'dra ba'i/ /khyad par dbye ba'i rim pa ji ltar yod/ /ces gsungs pa'i don yang gsal bar byas pa yin no/ /gzhan yang dur khrod nag po'i rgyud la brten pa'i srol