[A:7a]gzugs kyi sku chos nyid mi 'gyur ba mtshon pas sku mdog nag po/ chos thams cad stong nyid du ro gcig pas zhal gcig pa/ bden gnyis thugs su chud pas phyag gnyis pa la sogs par shar ba rnams so/ /'di la ni kun rdzob gzugs kyi mgon po zhes kyang bya/ mtshon byed brda'i chos skyong zhes kyang bya ste/ mgon po khros pa'i rgyud las/ nam mkha'i khams kyi mthas gtugs pa/ /smon lam rnam par sbyong byed cing / /snying rje'i don brtson sems kyis ni/ /dpa' bos srid pa sbyong bar mdzad/ /sna tshogs gzugs can nor bu bzhin/ /zhes gsungs so/ /gnyis pa rgyud kyi sgo nas dbye ba la gsum ste/ dregs pa pho rgyud/ mo rgyud/ gnyis med kyi rgyud do/ /dang po ni/ mgon pos gtso byas nag po stong la sogs pa rnams so/ /gnyis pa ni lha mos gtso byas pa'i ma mo bye ba