[A:69b]yin pas rdo rje gdan du bzhugs su gsol zhes gsol ba btab pas/ bdag khyod can du bsdad na bstan pa la phan pa'i rgyu mtshan yod ces gsung byon/ de'ang phyis lo chen gyis spyan drangs nas bod du byon pa'i rten 'brel yin zhes bla ma rnams gsungs so/ /bshad srol gnyis pa las mgon pu tra ming sring dang 'brel ba'i gter ma'i brgyud pa'i lo rgyus la/ 'di'i brgyud pa'i rtsa bar gyur pa ni slob dpon chen po 'phags pa klu sgrub snying po zhes grags pa de yin la/ de nyid mdo sde langs kar gshegs pa las/ lho phyogs be ta'i yul du ni/ /dge slong dpal ldan cher grags pa/ /de ming klu zhes 'bod pa ste/ /yod dang med pa'i phyogs 'jig pa/ /nga yi theg pa 'jig rten du/ /bla med theg chen rab bshad nas/ /rab tu dga' ba'i sa bsgrubs te/ /bde ba can du de 'gro'o/ /zhes dang / 'jam dpal rtsa rgyud las/ de bzhin gshegs pa nga 'das nas/ /lo ni bzhi brgya