[A:60b]ma rnams bzhed pa'i slob dpon padma'i gsung 'khrul med phur pa'i yi ge rnying ma rnams nas ji ltar 'byung ba bzhin bkod pa yin no/ /'dir smras pa/ de ltar rgyal ba'i ye shes rgya mtsho che/ /rlabs chen thugs rje'i dri bzhon gyis bskyod pas/ /gang 'dul zhi drag rba rlabs zlos gar ni/ /grangs med g.yo 'di dpag par su yis nus/ /de ltar tshad med snying rje'i chu yi gter/ /rab tu 'khrugs pa'i ngams nag dus mtha'i sprin/ /srid gsum za ba'i ljags kyi glog phreng g.yo/ /bdud dgra'i snying 'gems hU~M phaTa? 'brug stong rgod/ /e ma 'di 'dra'i bstan srung lha chen po/ /yum mchog pho nyar bcas pa'i rnam rol gyis/ /dus gsum rgyal bas ma thul gdug can rnams/ /sgrol 'di rgyal ba'i rnam 'phrul rab dang phul/ /cir yang 'char ba'i 'khor 'das snang srid 'di/ /phyi nang gsang ba'i dregs pa rgyud gsum du/ /'dus par shes shing de yang spros bral gyi/ /blo 'das ngang du 'jog