[A:50b]du sngags rgyas btab nas bzhag nangs par nam langs pa dang slob dpon chen pos chu mig byang chub ris su byon nas sngar gyi rgya bkrol nas gzigs pas bud med mdzes ma bzhi 'dug pas/ slob dpon chen pos mkhyen bzhin du khyed rnams su yin gsungs pas/ de dag na re/ ngos cag rnams ni yul tsha ba rong gi sa'i cha/ me tog padma dgun yang skye ba'i yul na gnas pa/ ming ni bse mo bzhi'am/ gru 'degs rgyal mo bzhi'am/ rgyal khams kyi mkha' 'gro ma bzhi'am/ dbugs 'phrog srog bdag ma bzhi zhes kyang bya zhing / sngar yang 'jig rten gyi tshe srog la longs spyad cing / da dung de la dbang pa'i dbang zhig bskur du gsol zhes zhu ba la/ slob dpon gyis de ltar du ma gnang bar sems can la gnod 'tshe bkag nas dam la btags te/ rdo rje phur pa'i bstan pa bstan 'dzin dang bcas pa bsrung zhing skyong ba'i gnyer gtad nas/ de rnams lhan cig tu bzhag na