[A:56a]pa'i 'dod dgu'i gter/ /zhes dang / gzhan yang / srid gsum bdag tu mdzad la bstod/ /ces dang / 'khor ba ni yongs mi spong / /mya ngan ni yongs mi 'da'/ /sku yi ni tshad che'ang / /nam mkha' yi mtha' dang mnyam/ /rigs pas ni gzung du med/ /tshad kyis ni dpag tu med/ /srid pa ni kun la khyab/ /khams gsum ni dbang du 'dus/ /zhes sogs mang du gsungs pas nges don du bcom ldan 'das rdo rje gzhon nu thugs gnyis su med pa'i ye shes spros bral chos kyi sku las ma g.yos bzhin du/ kun rdzob gdul bya'i snang ngor 'jig rten 'das ma 'das ma mo mkha' 'gro kun gyi gtso mo mdzad cing / 'khor ba ji srid pa de srid du sems can gyi don mdzad cing 'khor 'das brtan g.yo kun la khyab pa'i tshul du bzhugs pa 'di ni sangs rgyas thams cad kyi gnas lugs yin te/ kye rdo rje'i rtsa rgyud brtag pa gnyis pa las/ nga las 'gro ba thams cad byung / /nga las gnas