[A:55b]cho ga las/ che ba'i che mchog he ru ka /de yis nyer sprul srung ma'i gtso/ /dpal mo lcam dral/ zhes gsungs pas nges don du de ltar yin kyang / kun rdzob tu dkar mo nyi zla nyid 'jig rten 'das ma 'das kyi mtshams na bzhugs pa sogs rnam 'phrul du ma'i sgo nas mkha' 'gro bye ba'i gtso mo mdzad pa ste 'khor 'das kun la khyab pa'i tshul du bzhugs pa yin te/ bskang ba'i cho ga de nyid las/ mthu stobs rdzu 'phrul mthu rtsal can/ /dpal ldan ma yis kun khyab cing / /zhes dang / ye shes dbyings kyi rje mo ste/ /gzhan don 'jig rten pa ru sprul/ /'jig rten gnas dang 'jig rten 'das/ /'das dang ma 'das mtshams na bzhugs/ /zhes dang / ma mo chen mo rnal 'byor ma/ /kun gzhi yongs kyi dbang phyug ma/ /snang srid kun la dbang bsgyur ma/ /zhes dang / mkha' 'gro bye ba'i gtso mo khyod/ /dus gsum gzigs