[B:32b]sbyin stobs che ba dang bcas pa nyes med du sleb/ sku bsod je rgyas byung / sku tshe ring na bstan pa'i zhabs tog bdag rkyen/ 'gro ba mang po'i don mdzad par bzhed pa'i thugs skyed khyad par can dang bcas pa yod pa yin na'ang / ltos bcas yon mchod kyi bsod nams kyi khyon du ma shong bar| dgung lo nyi shu nyer dgur phebs tsam chu mo lug gi hor zla dang po'i tshes bcu gnyis kyi nub mo/ bla ma'i phyogs su dbu sngas bsgyur ba la sogs pa'i mos gus rtse gcig gi ngang nas pho brang lhun po rtser gshegs so/ /'di la yang yar 'brog stag lung du phebs pa'i slob dpon chos skyong bu 'dren pa la sogs pa lcam mo lnga bzhugs so//mi'i dbang po 'di'i btsun mo ni/ shangs pa'i bdag mo gzhon pa la sras gcig bgres pa la sras mo gcig rnam rgyal gling ma dpal 'byor bzang mo ba la sras gcig rnams byon pa'i sras che ba/ nam mkha' rin chen rgyal tshab dpal bzang po zhes bya ste/ yab dgung lo bcu dgu pa chu mo bya la/ phyi'i sa spyad bla ma'i rnal lam bzang ba la sogs pa'i ltas dang bcas te 'khrungs/skyes stobs kyi thugs rab dang sbyangs
[A:68]stobs kyi brtson 'grus gnyis ka phun sum tshogs pas/ gzhon nu nas kyee rdor dang / rdo rje phur pa'i thugs dam gtor 'bul/ sngags ring mang po'i bzlas brjod la shin tu brtson/ yab bde bar gshegs ma thag nas byis pa'i spyod pa cung zad kyang mi mi mdzad| brtag pa gnyis pa la sbyangs/ dgung lo bco lnga pa la sku mched thabs gcig tu gdan sar phebs/ nyi ma gsum sbrel du bshad pa rgyas pa dga' ston bzang po dang bcas pa gnang bas/ sa skya pa thams cad yi rang