[B:2b]dgongs pa dang / sngar ko'u shaMbhir bstan pa bsdud thengs gcig byung ba lta bu yul khyad par ba rnams su bstan pa bsdus pa sogs la dgongs par gsal la/ lung phran tshegs dang / sangs rgyas drin lan gsab pa'i mdo ste/ bcom ldan 'das kyi bka' stsal pa/ slob dpon 'jam dpal grags pa dang / 'bum TIka mkhan po ste/ bstan bcos mkhan po
[A:4]gnyis rnams mthun par lo lnga stong du gnas pa la lnga brgya pa phrag bcur phye nas/ dgra bcom pa dang phyir mi 'ong dang/ phyir 'ong rgyun zhugs te 'bras bu la gtso bor spyod pas 'bras bu'i dus kyi phrag gsum dang / shes rab/ ting nge 'dzin/ tshul khrims gsum la spyod pas sgrub pa'i gsum/ mdo sde/ mngon pa/ 'dul ba gsum la spyod pas lung gi gsum/ tha ma rtags tsam 'dzin pa dang bcur mdzad la dus 'khor na dngos su mi gsal yang don gyis thob pa/ kla klosanyams par ma byas kyi bar la/ chos rgyal shAka rigs drug rigs ldan nyi shu rtsa lnga/ drag po 'khor lo can te/ so gnyis kyis lo brgyad brgyar chos bstan pas sum stong nyis brgya/ 'khor lo can gyis kla klo bcom nas/ stong brgyad brgya bsdoms pas lnga stong du nges la/ de gnyis la snga dar phyi dar gyi tha snyad kyang byar rung ngo / /de las sngar ji tsam 'das na yongs grags dang dus 'khor lugs gnyis mi mthun te/ snga ma ltar na sum stong drug brgya dang gcig phyi ma ltar na nyis stong dang gsum brgya zhe gsum| 'das ma thag pa'i me pho khyi lo yan la 'das pa'i phyir ro/ /'di gnyis la lo stong dang nyis brgya bdun gyi khyad par byung bas gang rung gcig ma dag par gsal la/ de yang dus 'khor lugs ni/ rgyal ba mya ngan las 'das nas lo drug brgya na 'jam dpal grags pa byon pa dang / des lo brgyar rtsa rgyud bstan nas/ pad