[B:23b] lha lcam pa la sras mo bsod nams 'bum dang nyi ma 'bum gnyis las ma byung / rin chen rgyal mtshan pa'i yum la sras mo mdo sde dang / yang jo mo hor lcam zer ba gcig sras mo rin chen 'byung gnas te/ zangs tsha la sras bzhi dang sras mo bzhi byung / rin chen rgyal mtshan pa la dpag shi rin chen du grags/ chos rje khu dbon la gtugs/ rab tu byung nas legs par sbyangs pas mkhas grub tu gyur/ 'phags pa bod du 'byon ring la gdan sa shing kun dang me tog ra ba sogs kyi gdan sar bskos/ phrin las rgyas pa'i ngang nas dgung lo zhe gnyis pa sa mo yos la rgya nag shing kun tu gshegs so/ /ye 'byung bas kyang gong du byon/ yon tan phun sum tshogs pa dang ldan ljang yul gyi rgyal po hU~M ka ra rje'i bla ma mdzad/ phrin las dang ldan pa'i ngang nas dgung lo so drug pa la mdo khams se ra snar gshegs so/ /'gro mgon phyag na'i 'jo mo mkha' 'gro 'bum la sras gcig 'khrungs pa de sgro bang du byung nas yab gshegs pa'i phyis lo lha khang chen mo'i 'gram ldings pa dang mnyam du 'khrungs pa ni/ dharma pa la rakShi ta zhes bya ste/ dgung lo dgu pa la 'phags pa sa skyar phebs pa
[A:50]dang 'jal/ dbang bskur byin gyis brlabs/ bcu gsum pa la gdan sa'i khur chen po'i bskur nas 'phags pa zhi bar gshegs/ gshegs rjongs bsgrubs/ chos 'khor la tshogs chos gsungs pas thams cad ngo mtshar du gyur/ bcu bzhi pa la gong du byon/ se chen mnyes nas/ bla ma 'phags pa'i gdung gzhugs pa'i shel gyi mchod rten bzhengs/ de bzhugs pa'i dge 'dun gyi sde chen po me tog ra ba bzhengs/ der