[A:85] 'phags pa'i bla ma bzhi rnams brten pa las/ phyi ma bzhi ni/ byang phu la ha rir nA ro pa bsten/ rgyud kyai rdo rje bsre 'pho gsan/ nub lakShe trar dpal ye shes snying po bsten/ rgyud gsang 'dus dang sgyu lus 'od gsal gsan/ lho dug mtsho khol mar dpal zhi ba bzang po bsten/ rgyud ma hA ma ya dang dbyibs rnal 'byor gsum gsan/ shar chu bo gangga'i 'gram du mai tri pa bsten/ rgyud bstod pa glu blangs dang phyag chen gsan no/
'di la slob ma'i mchog/ sras dar ma mdo sde pa grong 'jug gi bka' babs/ dol gyi 'tshur ston dbang nge la 'pho ba'i bka' babs/ gzhung gi sngog chos sku rdo rje la bshad rgyud kyi bka' babs/ gtsang rong gi mes ston chen po la 'od gsal gyi bka' babs/ gung thang gi mi la ras pa la bde drod kyi bka' babs so/ phyi ma 'di bzhi la brnyes pa'i bu bzhi'am/ ka chen bzhi zhes grags te/ snga ma gsum gyis bde kyai sogs bshad pa'i srol bzung / mi las bka' babs bzhi'i gdams pa'i bcud sgrub pa'i srol bzung ba yin no/
gzhan yang / chu gong dpal/ dri mi'i bu chung / dol pa gag ston/ dge bshes khe gad pa bzhi la bka' babs bu bzhi zer/
'dam gyi mar pa mgo legs/ sgyer phu'i klog skya jo sras/ 'phan yul nya ma dpal mo/ rkyang ro zhang ston bzhi la las can gyi slob ma bzhi zer/
mar lo 'di 'brog mi bas lo bcu dgus gzhon zhing / rang lo bco lnga pa la mu gu lung du 'brog mi la sgra thad klog sogs bslabs/ phyis rgya gar du lan gsum pa byon pa'i tshe rang lo zhe gsum pa yin la/ de jo bo bod du byon pa dang lam du mjal mthar rang lo gya bzhi pa tshes bcu'i nyin dag pa'i