[A:286]pa/ bod du rig gnas rnam pa bcu'i srol gang zag gcig nyid kyi dang por phye ba ni bdag nyid chen po sa paNDi ta kho na ste/ de yang / yab dpal chen 'od po dang / yum nyi khri lcam gyi sras su 'khrungs pa nas bzung ste/ rnam thar rgyas pa ni gzhan du shes shing / 'dir rig gnas kyi tshul legs par gsan pa'i tshul cung zad brjod na/ go mkhyen tsam gyi dus kyi ba snga ma'i bag chags sad pa'i stobs kyis saMskraM ta'i skad du ma smra ba byung bas/ yum na re/ 'di la rang ga gcig pa yong ba legs sam/ gtam go rgyu med pa'i ngag ngog mang po zer ba zhig gda' zhus pas/ rje bas saMskraM ta'i skad mkhyen pas/ khyod kyi la (gu) ba byung dogs med gsungs/ yang sa la phyag mdzub kyis nA ga ra dang / lanytsha'i dbyangs gsal bris nas klog tshul mdzad/ mi 'gom par phyag gis byil phyis nas gtong ba byung / thog mar rang gi yab las kye rdor gyi dbang sogs nod/ yi ge'i bye brag du ma dang / rtsis dang gso dpyad ri mo la sogs pa mthar phyin par bslabs/ rje btsun rin po che la dbang rgyud man ngag sogs gsang sngags yab chos thams cad dang / rig gnas kyi cha shas 'ga' zhig kyang gsan pas tshegs med du thugs su chud/
de nas dge bshes zhu la sogs pa'i bod ston du ma las/ bod la yongs su grags pa'i chos skor thams cad gsan pas thams cad tshar re la thugs su chud/ lhag par rje btsun chen po grags pa rgyal mtshan gyi drung du lam zab mo bla ma'i rnal 'byor gyi byin rlabs zhus pas/ dus de nyid du bla ma 'jam pa'i dbyangs su gzigs/ chos thams cad skad cig la thugs su chud/ des bya'i