[A:260]don snying por dril lugs kyi khyad par shin tu che ba yin no/ /
yang sangs rgyas kyi gsung las mi 'byung snyam pa yang khyeng rang thos pa chung ba'i skyon te/ spyir chos dang / don dang / nges pa'i tshig dang / spobs pa so so yang dag pa ste bzhi'i gsum pa nges pa'i tshig 'chad pa'i tshe/ yul ljongs kyi skad dang nges tshig mtha' dag sogs skad rigs spyir slob tshul dang / khyad par saMskra ta la ye ge dbri ba dang / bsnan pa dang / bsgyur ba dang / tshig thams cad ka lA pa ltar si sogs te sogs dang / tsandra pa lta supra dang thing gi mtha' can khyad par 'khor lo tha ma'i mdor gtogs pa rnga bo che'i mdo las/ de bzhin gshegs pa'i gsung las sangs rgyas rtag pa dang bdag la sogs pa med pas de dag ni phyis 'ga' zhig gis rang bzor byas pa'o zhes smra bar 'gyur yang / de lta min te/ de dag de'i gsung las rgyas par 'byung tshul gsungs shing / de bzhin du de bzhin gshegs pa'i gsung la skad kyi byings la sogs pa med pas/ de dag phyis 'ga' zhig gis rang bzor byas so zhes smra bar 'gyur yang / de bzhin gshegs pa'i gsung la byings la sogs pa yod par gsungs shing / gzhan yang sangs rgyas mya ngan las 'da' tshul ston yang / don la thar pa'am myang 'das ni rtag brtan ther zug yin pas skye 'jig med pa'i dpe khang bzang zhig kyang de'i nam mkha' mi 'jig pa dang / de dper byas na Shidhu zhes bya ba'i skad kyi byings kyi don ni kta zhes bya ba'i rkyen gyis de grub pa zhes bya ba'i ting nge 'dzin gyi rkyen du 'gyur te/ ji ltar 'jig rten pa'i bstan bcos rnams las/ nA mAkhyA ta u